ALLT kynnir í einkasölu Furulund 9 Garðabæ. Fallegt og einstakt 307 fm, 5 herbergja einbýlishús á einni hæð þar af 39,7 fm bílskúr á grónum og vinsælum stað, staðsett innst í botnlanga. Frábært útsýni yfir Skerjafjörð, Garðabæ og til norðurs að Esju. Stutt í alla helstu þjónustu, skóla, íþróttaaðstöðu og verslanir. 

Eignin er einstök hvað varðar byggingarstíl, byggingarefni og hönnun innandyra. Mikið víðsýni til allra átta. Húsið er klætt að utan með Lerki. Þak var yfirfarið 2019 að sögn seljanda sem og mikið af rafmagni ásamt nýrri rafmagnstöflu. Lagnir endurnýjaðar að hluta 2020. Gler og gluggapóstar endurnýjaðir að hluta 2015. Flestar innihurðar hafa verið endurnýjaðar. Á flestum gólfum eru stuðlabergsflísar frá Steinkompaní. Í stóru bogadregnu rými er steinteppi, sérvaldir steinar úr Stokknesfjöru við Hornafjörð. Bæði gólfhiti og ofnakerfi er í húsinu.  Arinn í miðrými er sérhannaður inn í rýmið og smíðaður af Vélsmiðjunni Héðni. Ónýttur er byggingarréttur við norðaustur horn hússins, samtals um 20 fm.


Nánari lýsing: 
Anddyri: Rúmgott og opið með Stuðlabergsflísum á gólfi.
Gestasnyrting: með ljósri innréttingu undir vaski, upphengt salerni. Steinflísar á veggjum og gólfi. 
Alrými: Eldhús, stofa og borðstofa eru í björtu og rúmgóðu opnu rými með Stuðlabergs flísum á gólfi, innfelldri lýsingu í lofti. Útgengt út á verönd, afar glæsilegt útsýni er frá húsinu.
Eldhús: Ný viðarinnrétting með góðum hirslum, gegnheil viðarborðplata og eldhústæki frá Byko, fallegt útsýni til norðurs.
Stofa/borðstofa: Sérhannaður arinn, að hluta til viðarklæðning á veggjum. Rýmið er bjart og gott útsýni til norðurs. Útgengt er úr stofu út á stóra og skemmtilega hannaða verönd sem snýr í vestur. Mikið og fagurt útsýni. 
Svefnherbergi:  Eru þrjú á sér gangi, öll mjög rúmgóð. Auðvelt að bæta við fjórða herberginu. Byrjað er á endurbótum á herbergjum en því er ólokið.
Setustofa: er fremst á svefnherbergisgangi. Björt og rúmgóð, viðarklædd, með útgengi út í garð. Gott útsýni að Bláfjöllum m.a. 
Hjónaherbergi / stofa: Frá stofu/borðstofu er gengið um hol er liggur að 58 fm björtu og bogadregnu rými sem í dag er nýtt sem svefnherbergi. Aukin lofthæð. Steinteppi á gólfi. Stórbrotið útsýni m.a að Keili, Esju og hinum magnaða Snæfellsjökli.
Baðherbergi: er með stóru sérsteyptu baðkari og sturtuaðstöðu. Rýmið er óklárað. 
Þvottahús: er við hliðina á eldhúsi, rúmgott með góðri viðar innréttingu. Mikið skápapláss. Stæði fyrir þvottavél. Skolvaskur, gluggi. 
Bílskúr: er tvöfaldur 39,7 fm og inn af honum tvær góðar geymslur. Næg bílastæði. 
Bílastæði og lóð að framanverðu er ófrágengin.



Nánari upplýsingar veitir/veita:

Páll Þorbjörnsson
löggiltur fasteignasali,
í síma 560-5501,
tölvupóstur [email protected]

Helgi Bjartur Þorvarðarsson
í námi til löggildingar / lögfræðingur
í síma 7702023
tölvupóstur [email protected]

ALLT fasteignasala er staðsett á eftirfarandi stöðum:
Hafnargötu 91, 230 Reykjanesbæ - Þverholti 2, 270 Mosfellsbæ
 
Kostnaður kaupanda:
1. Af gjaldskyldum skjölum skal greiða 0,8% af fasteignamati ef kaupandi er einstaklingur og 1,6% af fasteignamati ef kaupandi er lögaðili.
2. Þinglýsingargjald á hvert skjal er kr. 2.700.
3. Lántökugjald fer eftir verðskrá lánastofnunar hverju sinni.
4. Umsýslugjald til ALLT fasteignasölu er kr. 50.000 auk vsk.
5. Sé um nýbyggingu um að ræða greiðir kaupandi skipulagsgjald, 0,3% af brunabótamati, þegar það er lagt á.

Skoðunar- og aðgæsluskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. ALLT fasteignasala vill beina því til væntanlegs kaupanda að kynna sér ástand fasteignar vel við skoðun og fyrir tilboðsgerð. Ef þurfa þykir er ráðlagt að leita til sérfræðifróðra aðila. Forsendur söluyfirlits: Söluyfirlit þetta er samið af fasteignasala til samræmis við lög um sölu fasteigna og skipa nr. 70/2015. Upplýsingar þær sem koma fram í söluyfirliti þessu eru sóttar í opinberar skrár, frá seljanda og eftir atvikum til húsfélags. Seljandi veitir upplýsingar um eignina til samræmis við upplýsingaskyldu sína sbr. lög um fasteignakaup nr. 40/2002. Fasteignasali sannreynir að upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteignar sem ekki eru aðgengilegir og sjást ekki með berum augum, eins og t.d. lagnir, dren, skólp og þak.